Pyaari Si Zindagi - 17

June 18

"Anjaana... Kehne ko hi tha!
Mera tha woh, jo bhi tha!"

*TING TONG*

Subah ke saat baj rahe the!
Kaun ho sakta hai itni subah subah?

Aankhein mundte hue Rashi darwaze ki oar badhi.
Darwaaza khola toh wahaan koi nahi tha.
Bas door mat par ek white envelope..

Rashi ne woh envelope uthaya aur uske andar jhaanka.
Dekha toh ek parchi nikli...
Uspe likha tha:
"Tum jhalli ki jhalli hi ho!"

Ye handwriting!
Aman?

Rashi ne yahaan wahaan dekha..
Bhaag ke stairs ki aur badhi!
Na jaane kiski talaash thi usse?
Niraash hokar jab woh palat rahi thi...
Tab usse ek jhalak dikhi!

Ussi peele chaate ki...
Rashi usse aawaaz lagane hi waali thi,
Ki kisine ne usse peeche se jakad liya!
Rashi cheekh padi!!

Peeche se kisiki hasne ki aawaaz aayi.
Rashi ne mud ke dekha,
Toh woh Aman ki baahon mein thi,
Aur Aman ke peeche khadi thi,
Hassi me magan Paakhi!

                                                     ----- Hum Tumhare Hain Sanam -----

Pyaari Si Zindagi - 16

June 18 3.05AM

Dear Aman

I am really sorry for behaving like this.

Hum do saalon baad mile aur maine tumse itna rudely behave kiya.
Tumhari koi galti nahin hai. Bas mujhe Paakhi ko tumhare saath dekh ke thoda shock laga. Specially jab tumne usse tumhari "Meet my wou;d be wife" kehkar introduce kiya!

You know what! Main actually tumse kuch kehne waali thi! Do saaloan mein tumse dur rehke maine yeh realize kiya ke tum sirf mere best friend hi nahi, usse kayi zyaada ho!  Aur... Main tumse kehna chahti thi...

I love you Aman! I am sorry, shayaad ab bahut der ho gayi hai. But mujhe sab se jyaad is baat par gussa aaya... ki Paakhi ye jaanti thi!

Goodbye Aman! Aaj ke baad hum kabhi nahin milenge.

Wish you a very happy life ahead.

Rashi.

                                                                                ------- A L V I D A  !

Pyaari Si Zindagi - 15

June 17

"Jaane pehchaane se woh ajnabee..."

Do din beet chuke the...
Naa Rashi ne Aman ka phone uthaya na hi usse call back kiya

Aman paagaloan ki tarah,
Rashi ko contact karne ki koshish kar raha tha.
Do dinoan mein Rashi ke cell pe kareeban
20 missed calls aur 10messages toh the!

Rashi ne finally apna phone switch off kar diya.
Facebook pe Rashi do saal purni yaadoan ko taaza kar rahi thi!

Itne mein Aman ne usse chat pe ping kiya "Hi"

Pehle toh Rashi ne socha ki woh log out karde
Par woh aakhir kab tak bhaagegi!
Usne reply kiya: "Hey..."

"Thank god! Tumne reply toh kiya"

"Hmmm...."

"Kya hua yaar? tum us din achanak se chali gayi!
Na kuch bola aur na hi mera phone utha rahi thi!"

"Sorry, kuch kaam aa gaya tha"

"Aisa kya kaam ke tum do dino se mera phone bhi nahi utha rahi? Ek msg hi kar deti! I was worried!"

"Sorry"

"Rashi... kya hua? Tum aise kyun behave kar rahi ho?"

"Kuch nahi"

"Sab theek toh hai na"

"Haan"

"Please yaar aise mat kar. Bata toh sahi kya hua! Maine kuch galat kaha kya?"

"Nahi"

"Maine kuch galat kiya?"

"Nahi"

"Rashi..."

"Haan"

"Are you ok?"

Ek pal ke liye Rashi ne socha, kya hoga agar main usse sach bata doon?
Kya woh Paakhi ko choad ke mere paas chala aayega? Kya woh mere liye apni relationship ko daav pe lagayega?

"Nahin, I'm not"

"Bata toh sahi kya hua! Paakhi bhi bahut pareshaan hai yaar!"

Bas! uska naam hi kaafi tha!

"Listen, I gtg, I'll call you later"

"Arre par Rashi..."

Rashi ne already log out kar diya tha!

                                                 ------Kho gaye woh lamhein kahin -------

Blog Adda !

<a href="http://www.blogadda.com" title="Visit blogadda.com to discover Indian blogs"> <img src="http://www.blogadda.com/images/blogadda.png" width="80" height="15" border="0" alt="Visit blogadda.com to discover Indian blogs" /></a>

Pyaari Si Zindagi - 14

June 15th 2013

"Mubarake tumhein ke tum, kisike noor ho gaye...
Kisike itne paas ho, ke sab se dur ho gaye...!"

Rashi ek dam achang reh gayi
Jab Aman ne Paakhi ko introduce karvaya,
yeh keh kar : "Meet my would be wife, Paakhi!"

Wife? Shaadi? Aman aur Paakhi?
Kab? Kaise? KYUN!
Rashi Aman se bahut kuch kehna chahti thi...
Cheek cheek kar usse yeh poochna chahti thi,
Ke... kyun...!?

Par jab Rashi ne Aman ke aankhoan mein khushi dekhi,
Woh chahkar bhi kuch na keh saki.

Zindagi aksar humein aise dohrahe par la khada karti hai,
Jahaan dost toh kya, apni parchayi tak saath choad deti hai.
Jahaan ek ki khusi, dusre ke liye nasoor ban jaati hai!

Do saaloan ki yeh doori...
Jahaan ek taraf Rashi apne pyaar ke suhaane sapne sanjoh rahi thi...
Toh wahin, Aman apna jeevan saathi chun raha tha...

Jahan Rashi apne aane waale kal ki raah dekh rahi thi,
Toh wahin, Paakhi apna aane waala kal secure kar rahi thi!

Rashi ke zehen mein kai sawaal the!
Kahi unkahi si baatein!
Jinke jawaabon ke liye woh tilmila rahi thi...

Un sab mein sab se mahatvapurna sawaal tha...
Kya itne saaloan mein Aman uska pyaar pehchaan nahi paaya?
Ya Aman usse dekh ke bhi andekha kar raha tha!?

Kyunki jab woh Aman ke gale lagi, Rashi ne Aman ki khushi mehsoos ki!
Rashi ko laga ke shayad woh Paakhi ko imagine kar rahi,
Shayad yeh uske mann ka vehem hai...

Par phir, jab usne apni aankhon ko mund ke dekha,
Tab dur, platform ke kone mein,
Aman aur Paakhi ek dusre ki aankhoan mein khoye,
Chai ki surkiyon ka mazaa le rahe the!

Aur yahaan, Rashi ka dil,
Sheeshe ki tarah bikhar raha tha!

Aur tab...
Kisi se bina kuch kahe...
Rashi wahan se bhaag gayi!

Tez baarish mein Rashi bina kuch soche samje
Daudi chali ja rahi thi... Ke phir uski nazar padi...

Bheed mein ubharte...
Uss peele chaate par...

.......Bedard naina......

Pyaari Si Zindagi - 13

June 15th 2013

"Kyunki Tum hi ho..."

Paakhi Aur Aman?

Rashi apni hasi rok hi nahin paayi!
Aman Rashi ka ye vyavhaar dekh ke chaonka zaroor,
Par woh chup chaap,
Paakhi ka haath thaame
Rashi ki aur badha!

Ek minute ke liye,
Rashi ko laga ke shaayad woh donon train mein mile honge!
Par jab Aman ne Paakhi ka haath pakda,
Rashi ke chehre se hansi udd gayi!

Aman uski aor badh raha tha...
Kya karti Rashi!

Woh bhaag ke Aman ke gale lag gayi,
Taaki Aman uske aansun na dekh sake!

Woh Aman se dhear saari baatein karna chahti thi,
Woh kaisa tha, uske exams kaise gaye, uske aage kya plans hain?

Aman ka phone bajaa,
Do saalon baad,
Raashi Aman se mil rahi thi.

Do saalon baad,
Raashi Paakhi se bhi mil rahi thi!

Paakhi, college mein Raashi ki best friend.
Paakhi, jisne khud Raashi se kahaan tha,
Ke Aman acha ladka nahin hai!

Paakhi, jo ab khud, Aman ka haath pakde,
Ab shayad uski girlfriend bhi thi!

                                          ------------Zindagi, kaisi hai paheli haaye! -------------

Pyaari Si Zindagi - 12

June 15th 2013

'Aadha isha aadha hai, 
Aadha ho jaayega...'

Halke se gungunati hui,
Apni hi dhund mein magan,
Raaste pe baarish ki boondon ko uchalte,
Chali ja rahi thi Rashi.

Na koi horn,
Na koi traffic signal,
Na koi raste pe bhare paani ke khadde,
Na koi fikar!

Aaj, poore do saalon baad,
Rashi Aman se jo milne ja rahi thi!

Aman, uska best friend!
Jo college mein har din uske saath last bench pe baith ke teachers pe

comments pass karta tha.

Aman, jisse woh apna tiffin share karti thi!
Aur tiffin ke saath saath, apne dil ki saari baatein bhi!

Aman, jo aaj, poore do saalon baad,
Delhi se apna Masters complete kar ke laut raha tha!

Aman, Aman, Aman!

Aman... Jisse woh pyaar karne lagi thi!
Jisse woh aaj, apne pyaar ka izhaar karne waali thi!

Haathon mein uski favorite five star liye,
Rashi raste se bheed ko chaante,
Station pe pahunchne hi waali thi,
Ke achanak uska phone baja...

"Hello... Kahan hain tu?"

Oh! NO! Aman already station pahunch gaya tha!
Aur ab woh Rashi pe late hone k liye gussa karega!

"Bas pahunch gayi! Tu Ramu kaka ki dukaan pe ruk, mein bas do minute mein

aayi!"

Rashi ne jaldi se phone kaata.
Ek haath mein five star liye,
Dusre haath se chaata band karti hui,
Jab Rashi station pahunchi,

Tab uske liye ek surprise wait kar raha tha!

Aman akela nahin tha...
Aman ke saath Paakhi bhi thi!

                         -----------Khulti zulfoan ne sikhayi, mausamon ko shayari------------

Pyaari Si Zindagi - 11

May 30^th 2013

“Aaj jaane ki zidd na karo…

Yun hi pehlu mein baithe raho…”

Haath mein ek garma garam masala chai ka pyaala liye,

Khidki pe baithe, baarish ki boondon ko nihaar rahi thi Rashi.

Is mausam ka mazaa hi kuch alag hota hai!

Yeh barsaat kabhi bheegaati hai toh kabhi muskuraana seekhati hai.

Yeh barsaat humein aksar sataati rehti hai! Ha-ye!

Rashi ke liye, yeh mahina bahut hi khaas tha,

Bada azzez tha use yeh saawan ka mahina.

Par aaj, is pyaar bhare mausam ki meeti si yaadein sanjone ke liye,

Uske saath… Koi nahi tha…!

Khayaloan mein doobe hue,

Achanak se Rashi ki nazar, uski building ke neeche,

Raaste par chal rahe ek peele rang ke chaate par padi…

Haldi ke rang se bhi peela, bilkul chamakte suraj jaisa!

Aise rang ka chaata bhi koi leke ghoomta hai bhalaa?

Aur who bhi… ek ladka…?

      Rashi ki aankhoan mein curiosity chamki!

      Woh jhat se khidki se jhank kar taadne lagi.

      Kabhi daayein, toh kabhi baaein!

      Upar neech, aade-tedhe, sab koshish kar li!

      Apni gardan itni marodne par bhi Rashi,

      Us peele chaate waale ajnabee ka chehra dekh nahi paayi!

      Dikhe… toh uske Woodland ke shoes.

      Jo baarish ke chik chik mein black se brown ho rahe the!

      Bechare…

      Rashi nirash hoke andar jaane hi waali thi,

      Jab us peele chaate waale ajnabee ne upar uski khidki ki oar dekha,
      Aur ek pyaari se smile ke saath,
      He winked…!

      Apne ghar se koasoan dur, ek anjaane se shehar mein, aaj…

      Rashi ka pehla janamdin tha!!!

                                  - to be continued...

_______________________________________________________

                       ----------Yeh Mastaana Mausam -------

Pyaari Si Zindagi - 2.0 - It's back!

Waqt kaise guzra pata hi nahi chala! Dekhte hi dekhte, 

Pyaari si Zindagi ka season 1 khatam ho gaya…

Well, well well! Che mahine baad mujhe yaad aaya ki mera ek blog bhi hai! Jo dur kahin ek kone mein meri raah dekh raha hai! I couldn't even rmember my login detials - that bad!

Aur ek saal Mumbai mein rehne ke baad, mere paas batane ke liye koi kahaani nahin hai! Hai toh bas, kuch khatti-meethi yaadein… aur kuch khayaal….

So… welcome back the Random scribblerrr…

Dekhte hain Rashi ki khayaal aapko kahaan le jaati hai… ;)